Foot- Etazini- MLS: Derrick Jr Etienne siyen profesyonèl avèk New York Red Bulls

Ekri pa Gary Eliézer

Jèn milye tèren Ayisyen  an, Derrick Jr Etienne ki t’ap jwe nan dezyèm ekip New York Red Bulls la, rive siyen premye kontra profesyonèl li avèk klèb sa jounen lendi a kote li prale gen chans kounya pou li evolye nan MLS la pou sezon 2016 la.

Fèk sòti de yon bon sezon nan USL la (3zyèm divizyon Etazini) avèk 3 gòl epi 3 pas gòl pou 14 match li te jwe, jèn jwè sa ki gen 19 lanne  ki te patisipe nan trazyèm faz eliminatwa mondyal pi piti pase 20 tan avèk seleksyon nasyonal la avèk 3 match li te jwe, pral fè yon lòt eksperyans nan pi gwo nivo foutbòl nan peyi blan meriken.

Fèt nan lokalite Richmond, Virginia nan peyi Etazini nan dat 25 novanm 1996, Derrick Jr Etienne te entegre akademi New York Red Bulls la nan lanne 2009 e li boule tout kategori yo sòti nan pi piti pase 12 lanne pou rive nan 18 tan.

Prezante jounen jodia menm, Derrick pral pote nimewo 7.

 

À lire aussi:

Share

Comments

comments