Seleksyon nasyonal : 2 nouvo jwè ayisyen konvoke pou match amikal kont la Chin nan

Ekri pa Benson Petit-Clair

Seleksyonè grenadye yo Marc Collat fè apèl ak atakan James Jean François (Fréjuste) ak gadyen Amos Point du Jour (América des Cayes) pou ranplase Emmanuel Sarki Ak Steward Ceus ki fòfè pou rankont amikal kont la Chin nan ki pwograme pou 27 mas k’ap vini la a.

Sarki ak Ceus te frape nan jenou yo nan kad dènye soti yo ak klèb yo nan weekend ki sot pase a. Pandan semèn nan, Wisla te gentan konfime endisponibilite Sarki pou rès sezon an aprè chok li te resevwa nan ligaman li dimanch pase kont Legia pandan 64èm minit rankont lan. Sarki ap gen pou li opere nan jenou an pou repare domaj yo, ki donk li riske rate Gold Cup la pou mwa jiyè a.

Bò kote pa’l, Steward Ceus konfime bay haititempo.com ke li te frape nan jenou li nan match chofe jarèt ke ekip li a Atlanta Silverbacks t’ap jwe kont Charlotte Independence weekend pase a, donk l’ap endisponib pou 3 a 4 semèn daprè enfòmasyon Ceus konfye haititempo.com.

N’ap raple ke Amos se twazyèm jwè lokal apre Jonel Désiré ak Mancini Telfort ki konvoke pou match sa a. Twa mesye sa yo ap kite peyi a nan weekend nan pou direksyon la Frans kote y’ap rankontre ak delegasyon Ayisyèn nan pou yo rann yo nan peyi la Chin.

Lis 20 jwè pou match la :

Gadyen : Johny PLACIDE (Reims, France) ak Amos Point du Jour (América des Cayes, Haïti)

Defansè : Jean Jacques PIERRE (Angers, France), Frantz BERTIN (Aiginiakos, Grèce), Jérôme MECHACK (San Antonio Scorpions, USA), Réginald GOREUX (FC Rostov, Russie), Jean Sony ALCENAT (FC Petrolul, Romanie), Kevin Pierre LAFRANCE (Miedz Legnica, Pologne), Bitielo JEAN JACQUES (Orlando City, USA) et Alex CHRISTIAN (Vila Real SC, Portugal)

Mitan: Sébastien THURIERE (Charleston Battery, USA), Pascal MILLIEN (Jacksonville Armanda, USA), Donald GUERRRIER (Wisla Krakow), Jeff LOUIS (Standard De Liège), Jean Marc ALEXANDRE (Negeri Sembilan FA, Malaisie)

Atakan: Duckens NAZON (Stade Lavallois, France), Kervens FILS BELFORT (Ethnikos Achna, Chypre), Manchini TELFOR (Cavaly, Haiti) et Jonel DESIRE (AS Mirebalais, Haïti), James JEAN FRANÇOIS (Fréjuste, France).