Ekri pa Gary Eliézer epi Benson Petit-Clair
Rive nan peyi Pòtigal nan klèb Vila Real SC nan mwa janvye ki sòt pase a la, Atakan Ayisyen an Christiano François deklare nan yon chita pale li fè ak haititempo.com ke li byen kòmanse sezon an ak ekip li e l’ap travay di pou kontinye sou pwen sa pou li kapab al jwenn yon pi gwo ekip sezon k’ap vini.
« Sa pa pi mal, mwen deja jwe 5 match e mwen fini pi bon jwè nan 2, mwen ap eseye travay pi di toujou pou’ m ka al jwe nan yon pi gwo ekip lòt ane » avan li te vin ajoute « map eseye fè pi bon toujou.»
Poze l kesyon sou gwoup Ayiti tonbe nan Gold Cup 2015 la ‘’koup lo a’’, Christiano reponn pou li di ke Ayiti kapab kalifye nan poul sa.
« Ayiti kapab gen chans pou li kalifye, Etazini se sèl peyi ki kapab ba nou ti pwoblèm vrèman nan gwoup la, mwen kwè nou gen yon bon ekip apre sa nou ka jwe kont tout lòt peyi yo. »
Home
Store
Contact