CONCACAF anonse meyè onz konfederasyon an pou ane 2015 la

Ekri pa Benson Petit-Clair

Konfederasyon ki regwoupe Amerik di Nò, Santral ak Karayib la nan zafè foutbòl (CONCACAF) revele jedi pase onz meyè jwè rejyon an pou ane 2015 lan.

Kèlke jou avan piblikasyon an, CONCACAF te anonse yon lis de 10 jwè nan chak pozisyon pou fanatik ak manb medya vote pou detèmine onz ane 2015 la. Kim Jaggy se sèl jwè Ayisyen ki te nan lis konfederasyon an te pibliye a, men li pa soti pami onz lan ki gen 5 jwè Meksiken ladan.

Men lis Onz meyè jwè CONCACAF la pou ane 2015 la:

Gadyen: Tim Howard (GK/USA); Everton FC (ENG)

Defansè: Roman Torres (DF/PAN), Seattle Sounders FC (USA); Giancarlo Gonzalez (DF/CRC), US Citta di Palermo (ITA); Hector Moreno (DF/MEX), PSV Eindhoven (NED); Miguel Layun (DF/MEX), FC Porto (POR)

Milye: Andres Guardado (MF/MEX), PSV Eindhoven (NED); Michael Bradley (MF/USA), Toronto FC (CAN); Joel Campbell (MF/CRC), Arsenal FC (ENG); Jesus Corona (MF/MEX), FC Porto (POR)

Atakan: Javier Hernandez (FW/MEX), Bayer 04 Leverkusen (GER); Bryan Ruiz (FW/CRC), Sporting Clube de Portugal (POR)

Paralèlman, CONCACAF anonse Meksiken Javier Hernandez (Chicarito) kòm meyè jwè nan kategori Gason, tandiske Amerikèn Carli Lloyd, ki te ranpòte balon dò FIFA pou ane 2015 lan, resevwa tit sa a bò kote medam yo.