Ekri pa Benson Petit-Clair
Donald Guerrier repran chemen antrenman nan kòmansman semèn nan ak klèb li aprè anviwon yon mwa absans akoz yon blesi li te sibi nan kwis li pandan yon match mwa pase kont Legia Varsovie. Entènasyonal ayisyen an twouve li nan peyi la Tiki depi samdi pase kote l’ap prepare dezyèm pati sezon an ak Wisla Krakow.
Pandan premye pati sezon sa a, Donald jwe 16 match pou Wisla, li make 5 gòl e li bay 3 pas gòl. Donald, ki deja pote koulè seleksyon nasyonal la 34 fwa e make 7 gòl, pral travay pou’l ka repran fòm li avan edisyon espesyal Copa America 2016 la, selon sa Grenadye a konfye haititempo.com.
Wisla ap gen pou redemare nan Ekstraklasa a 12 fevriye pwochen nan yon deplasman kay Slask Wroclaw ki plase an 14èm pozisyon touswit aprè Wisla nan klasman chanpyona Polonè a.
Home
Store
Contact