Eliminatwa mondyal 2018 : Anthony Modeste kwè ekip Grenad la ap elimine Ayiti

Ekri pa Gary Eliézer

Antrenè seleksyon nasyonal Grenad la, Anthony Benedict Modeste nan yon chita pale  li fè ak laprès nan peyi li apre tiraj yo, kwè ekip li ap dirije a kapab bat epi elimine Ayiti pou li jwenn kalifikasyon  pou 4^e tou eliminatwa pou mondyal 2018 yo.

Nixon ki gen 39 lanne sou tèt li, fè konnen malgre Ekip Ayisyèn nan gen yon pi bon estatistik an fas seleksyon li a epi gen pi bon jwè tou, sa paka dekouraje Grenadyen li yo ki motive anpil pou mete deyò Grenadye yo nan kous la.

« Pibon estatistik yo gen pase nou nan fas a fas ( 4 matchs, 4 viktwa pou Ayiti, NDLR) pap kapab ni dekouraje nou ni  fè nou kwè ke li ap enposib pou nou kalifye. Menmsi mwen rekonèt yo gen anpil bon jwè, men sa pa vle di sa pral fasil. Nou pral yon advèsè k’ap di epi ki ap motive anpil pou match sa, » deklare Nixon ki te profite anonse tou Grenad ka ranfòse ak jwè ki ap jwe a letranje.

Spice Boyz yo ap gen pou jwe fas Ayiti le 4 sektanm nan national Cricket Stadium a 4h15 PM avan yo vini nan Stad Sylvio Cator le 8 pou match retou a.