Ekri pa Gary Eliézer
Seleksyon Ayisyèn pi piti pase 23 zan pyafe sou Violette (3-0) Nan yon match chofe jarèt ki te jwe jounen mèkredi maten an nan sant FIFA nan Kwadèboukè. Jènn atakan Aigle Noir, Nerlin Saint-Vil profite okazyon sa pou li make 2 gòl.
Ti jenn Grenadye yo ki ap prepare dènye faz kalikasyon pou Jwèt Olenmpik Rio 2016 yo, te antre nan konsantrasyon depi lendi ki sòt pase la apre ke Marc Collat te fin mete deyò yon avan list ki gen 30 jwè pou ka triye 20 pi bon yo pou dènye faz la k’ap fèt nan mwa oktòb ki ap vini la, e maten an yo jwe premye match chofe jarèt yo ke yo genyen gras ak 2 gòl de Nerlin Saint-Vil epi youn de Benchy Estama.
Depi nan 13yèm minit, atakan Don Bosco a, Benchy Estama te ouvri vàn nan avan Nerlin Saint-Vil, 9 minit apre, te mete yon dezyèm pou bay ti misye Jérôme Velfert yo avantaj la ak 2-0 pou premye mitan an.
Nan dezyèm mitan an, Nerlin Saint-Vil make twazyèm gòl la nan 58yèm minit e bay Ayiti viktwa (3-0) sou Violette.
Men jwè ki te jwe yo :
Luis Valendi Odelus (Amos Point-du-Jour) – Sévère Verilus (Fernander Demas), Jude Saint-Louis, Luckson Elie (Wilmond Oracius ) – Chadeley Germain ( Peterson Joseph Jr) , Wilberne Augusmat , Benderlin Beaubrun ( Venel Saint-Fort), Paulson Pierre, Benchy Estama, – Kerlins Georges ( Woodensky Cherenfant), Manchini Telfort (Nerlin Saint-Vil)
Home
Store
Contact