Foot- Kosta Rika : Paulo Wanchope kite sa

Ekri pa Gary Eliézer

Antrenè seleksyon Kosta Rika, Paulo Wanchope kite pòs li jounen mèkredi sa. Ansyen atakan sa ki gen 39 lanne, ki nan tèt ‘’Ticos’’ yo depi apre mondyal la, mete fen nan eksperyans sa.

Desizyon sa vini yon jou apre ke Wanchope te fin goumen ak yon fanatik nan tribin yon stad kote ekip Kosta Rika pi piti pase 23 zan te ap jwe yon match kont Panama.

Kosta Rika ki se ap youn nan advèsè Ayiti nan 4^yem tou eliminatwa mondyal 2018 la nan ka Grenadye yo ta elimine Grenad nan match 4 epi 8 sektanm yo, pral jwe ak yon lòt antrenè devan Ayiti. Yon bagay ki ka bon pou seleksyon nou an lè nou konsidere ke  4^e tou a ap kòmanse nan yon mwa edmi.