Gold Cup 2015- Pascal Millien: ‘’Nou pral fè sa nou kapab’’

Ekri pa Gary Eliézer

Mitan tèren entènasyonal Ayisyen an, Pascal Millien te fè yon gro chita pale ak jounalis KONKAKAF yo ayè dimanch ki te sòt  pase a la kote li tap bay opinyon li sou plizyè pwen ki make karyè li epi li bay lide tou sou Gold Cup la k’ap kòmanse jounen madi 7 jiyè a ak match Ayiti k’ap rankontre Panama, jwè 29 lanne a di selon li menm ke chanpyona sa se ap yon gro bagay pou peyi a e yo  pral bay tout sa yo gen nan vant yo.

‘’Se (Gold Cup la) yon gro chanpyona pou nou. Nou vle bay tout nou menm pou nou fè yon bon pèfomans ladann. Tout jwè ki nan ekip la se menm jan nou ap panse pou kounya, nou pral fè tout sa nou kapab,’’ se sa pitit tè leyogàn nan te deklare.

N’ap fè’w sonje Pascal Millien jwe 21 fwa deja pou Ayiti e li poko janm fè gòl.