Jeff Louis pa siyen ak Standard de Liège

Byen bonè maten an, Klèb Bèlj Standard de Liège anonse sou twitter ke yo siyen yon kontra ak milye ayisyen an Jeff Louis ki t’ap evolye nan AS Nancy, an Frans. Haititempo.com ansanm ak plizyè lòt medya entènasyonal te rapòte nouvel sa a paske se te yon sous ofisyèl ki te konfime’l. Ekip Standard la te menm moutre yon foto Jeff Louis ki te gen mayo Standard li nan men l kom kwa yo ta trouve yon akò epi Jeff deja siyen. Men foto klèb la te lage sou twitter maten an:

Kèk tan apre, nou aprann anyen pa’t finalize kidonk Jeff pa nan Standard. Kleb la te efase twit yo te lage pou anonse arive Jeff la, e yo pa’t pran twòp tan pou ofri yon eksplikasyon e men sa yo di:

Dosye sa a fe nou poze tèt nou anpil kesyon. Eske Jeff ap tounen nan AS Nancy san pwoblèm? Eske Jeff jwenn yon pi bon kontra pandan l’ap finalize kontra a ak Standard? Eske Jeff te panse kontra a t’ap pi gra ke sa yo prezante l la? Pouki Standard te mete nouvèl la deyò san kontra a pat ko finalize? Eske se ajan Jeff la k’ap manipile dosye a?

Nou pa gen repons youn nan kesyon sa yo, men n’ap swiv pou nou wè kijan sa ap fini.

An pasan, Jodi a se fèt nesans Jeff Louis, tout staf Haiti-Tempo a ap pwofite swete’l bon fèt e nou swete ke tout rèv li reyalize.