Haititempo.com ap envite’w dekouvri Ephesien Mallebranche, yon jèn atlèt Ayisyen k’ap evolye nan Olympiacos nan New York, USA.
HT: Kiyès Ephesien Mallebranche ye?
EM: Ephesien Mallebranche se yon ayisyen ki fèt an Ayiti 16 jiyè 1991,mwen se pitit Lucienne Mallebranche ak Ednor Cesar, m’ap jwe foutbòl depi’m piti, m’ap viv New York, mwen jwe pou Olympiacos de NY yon klèb dezyèm divizyon.
HT: Ki plas ou jwe sou teren an?
EM: Mwen jwe lateral dwat, dèfwa yo itilize mwen pou lateral goch tou.
HT: Ki enpòtans foutbòl genyen pou ou?
EM: Anpil enpòtans wi,paske nan domèn nan,se gras ak foutbòl ki fè CR7,Messi ap site fò konsa nan mond lan.
HT: Èske se sèl ou menm ki ap jwe nan klèb sa kòm Ayisyen?
EM: Non se nou 2 Ayisyen.
HT: Ou jwe lateral dwat ou panse wap ka ranplase jwè ki jwe plas sa nan seleksyon an?
EM: Mwen kapab, men fòk mwen ta travay yon mwa davans ak seleksyon an, paske se ap premye eksperyans mwen.
HT: Kisa ou vle di ak dirijan FHF yo ki pako dekouvri talan w kòm jwè foutbòl?
EM: Mwen ta renmen yo voye je sou tout Ayisyen kap jwe nan peyi etranje yo, gen anpil talan ki ka ede foutbòl la pran wout devlopman.
HT: Ou sòt chanpyon ak klèb la nan ki sezon,konbyen fwa?
EM: 2 fwa, youn dèyè lot, avril 2012 ak avril 2013.
HT: Ou leve Ayiti ki konsèy w’ap bay ak jèn kap jwe foutbòl Ayiti?
EM: Respekte moun, kwè nan tèt ou, konsantre’w sou travay ou,priye BonDje, pa dekouraje.
HT: Si’w tap di yon dènye mo poun fini se kisa li tap ye?
EM: Mèsi anpil pou travay sa wap fè a, mwen kontan paske ou banm ankourajman pou mwen travay pou mwen ka rive jwe pou seleksyon peyi’m.
HT: Haititempo swete’w siksè!!!
EM: Mèsi anpil mwen kontan travay la.
(Pawòl sa yo se Alix Seme ki resevwa yo pou haititempo.com)
Home
Store
Contact