Haititempo.com ap ofri’w yon entèvyou manch long ke nou fè ak atakan vedèt ekip America des Cayes la Kens Germain. Kens se tou youn nan jwè Marc Collat konvoke pou reprezante Ayiti nan kad dezyèm faz eliminatwa koup Karayib la k’ap demare le 8 oktob ki ap vini la. Nan entevyou sila a, Kens pale nou de eksperyans li kòm foutbolè, de kontra li ak America des Cayes, de sa li renmen nan mizik ak anpil lòt sijè ankò. Nou envite’w li entèvyou sa:
HT: Pou moun ki pa konnen ou byen , kiyès ki Kens Germain ?
KG: Kens Germain se yon Ayisyen ki fèt an Ayiti nan dat 20 mas 1986, manman’m rele Roselene Blanc, papa’m rele Osse Germain.
HT: Nan ki klèb ou te komanse jwe foutbòl?
KG: Mwen komanse jwe nan ASPDIF, mwen te fè yon pase nan FICA ak Victory SC.
HT: Èske se te yon chwa fasil jwe foutbòl?
KG: wi
HT: Nan ki klèb wap jwe kounye a?
KG: Mwen se jwè America des Cayes.
HT: Pou konbyen tan ou siyen ak America?
KG: Mwen siyen ak li pou 5 an.
HT: Kilè kontra a te komanse epi kilè l’ap fini ?
KG: Li te komanse an 2011 l’ap fini 2016.
HT: Si’w tap renmen jwe pou yon lot klèb, se ki klèb li tap ye ?
KG: Victory SC
HT: Kisa ki make’w ke ou pap janm bliye pandan ou ap jwe foutbòl?
KG: Se te 6 gòl mwen te fè lè’m tap jwe kont Racing Gonaives la.
HT: Jounen Jodi a foubòl tounen yon metye, si’w pat yon foutbolè se kisa ou tap ye?
KG- Mwen tap yon etidyan nan yon univesite jounen jodi a.
HT: Kens Germain marye, ou gen pitit?
KG: Non mwen pa marye, ni m pa gen pitit.
HT : Souvan jwè foutbòl Ayisyen yo pa vle di konbyen y’ap touche pou kontra ke yo genyen ak klèb yo, Kens se konbyen kòb kontra a ye ak America des Cayes ?
KG: Se janw di a, sa rete pèsonèl.
HT: Men sa ki koz sa daprè ou, èske se paske nou vle sa ret pèsonèl oubyen nou pè devwale sa ?
KG: Tou senpleman.
HT: Tou senpleman vle di kisa ?
KG- Nou pa gen rezon sa.
HT: Poukisa piblik Ayisyen paka konnen valè yon jwè ap touche nan klèb an Ayiti, pa kont li konnen konbyen Jeff Louis, Pierre Jean Jacques, Donald Guerrier ap touche? Èske se paske se Ayiti oubyen gen yon lòt pwoblèm ?
KG: Paske se Ayiti.
HT: Ki jwè Ayisyen ki ap jwe nan peyi etranje ki plis enpresyone’w ?
KG: Jeff Louis
HT: Ou gen yon ansyen jwè ki pase nan seleksyon an ke ou renmen, si wi, se kiyès li ye ?
KG: Wilson Chevalier
HT: Poukisa?
KG: Li se yon moun ki te gen anpil disiplin, m renmen kalite li yo.
HT: Ou te jwe pou 2 klèb nan peyi Sendomeng (repiblik Dominikèn): Barcelone ak Moca, ki sa ki lakoz ou pa’t rete?
KG: Ayiti bay plis avantaj, ou plis ka jwenn yon kontra lè ou Ayiti.
HT: Ki atakan ki modèl ou ?
KG: Ronaldo Brezilyen
HT: Kisa ou panse piblik la renmen plis lè’w fè sou teren an?
KG: Lè mwen fè gòl.
HT: Ki atis ou renmen tande k’ap chante konpa ?
KG: Gracia Delva
HT: Ou se fanatik ki group konpa ?
KG: Djakout #1
HT23: Ki manje ou pi renmen ?
KG: M renmen tout manje peyi’m, mayi moulen se afè pa’m.
HT: Si’w tap konseye jèn foutbolè Ayisyen yo,se ki mesaj li tap ye ?
KG: Kenbe lekòl yo rèd, apre itilize talan Bondye ba yo a.
HT: Ki sa ou fè lè’w gen tan lib?
KG: Bay blag ak Zanmi’m.
HT: Balon dò nan lane 2011 lan te vle di kisa pou ou?
KG: Anpil bagay paske apre mwen te blese an 2008-2010 epi’m tounen nan foutbòl la m fè yon gwo bagay konsa, se gran zafè wi.
HT: Yon mo pou fanatik yo fè deplasman 6 oktob pou rive 14 oktob pou yo deplase vin gade nou?
KG: Kalifikasyon Ayiti depann de tout Ayisyen yo, vini an foul poun vin ede nou jwe.
HT: Si w gen yon dènye mo pou’n fini se ki sal tap ye?
KG: Tout fanatik mwen yo rete kwè nan mwen, tout fanatik foutbòl toujou sipote spò a pou Ayiti ka al pi lwen , paske ou pa janm konnen ki kote dlo soti poul rantre nan kokoye.
(Pawòl sa yo se Alix Seme ki resevwa yo pou haititempo.com)
Home
Store
Contact