Foot- Frans: yon gòl ankò pou Hervé Bazile

Ekri pa Gary Eliézer

Aprè li te fin make yon gòl dimanch anwo nan okazyon 9^e jounen chanpyona fransè a sa ki se te 2^e gòl li pou sezon an, Hervé Bazile jwenn chemen filè a ankò pou  jounen Jodi madi sa avèk ekip li, nan stad Michel Ornano nan okazyon 16e de final koup de la lig kote Stade Malherbe Caen arrive bat ekip Clermont Foot la (4-3).

Nan yon match kite vrèman difisil pou ekip Malherbe Caen, sa kite oblije li al jwe pwolongasyon, Hervé Bazile ankò moutre sa li ka fè, lè li te make 3e gòl la (83^e) pou ekip li, sa k te pèmèt nan moman Caen te pran avantaj la a (3-2) sou ekip Clermont an apre Féret (56^e) epi Duhamel (72^e) te reponn a chak fwa de yon gol de Dugimont (49e) epi Novillo (61e) pou advèsè a.

Yon pwolongasyon kite vini apre yon gòl de Diogo nan fen match la, ekip Caen te finalman jwenn yon 4e gòl nan dènye minit yo, sa ki fè Bazile ak Jean Jacques Pierre kalifye pou 8e de final konpetisyon sa.

Jwè entènasyonal ayisyen an ki sanble pap pran tan pou moutre tout sa li konn fè anndan ekip Caen, pati pou li fè yon bèl sezon ane sa. N’ap raple ni Jean Jacques, ni Bazile te jwe match sa pou Caen.