Touswit aprè eliminasyon seleksyon U-17 la nan dènye faz eliminatwa pou mondyal 2015 lan nan peyi Chili, haititempo.com te gen chans pale ak kapitèn ekip la Jacques Saül Metellus ki pataje opinyon li ak nou sou patisipasyon ti grenadye yo nan konpetisyon an.
HT: Saül, konpetisyon an fini pou Ayiti, ki opinyon w sou pèfomans ekip la?
JSM: Mwen vrèman regrèt tounwa a, mwen remake si nou te jwe kèk match amikal ak ekip etranje nou t’ap gentan idantifye e repare tout feblès nou rankontre nan konpetisyon an.
HT: Pale nou de efè kondisyon vwayaj yo te fè sou gwoup la?
JSM : Bon, pou premye match la nou te vrèman fatige apresa nou vin rankontre yon pakèt lòt difikilte tankou katon rouj, elatriye.
HT: Kidonk, jwè yo te demoralize!
JSM: Non, nou pa’t janm dekouraje.
HT: Ki sa ki lakoz ekip la pran gòl bonè nan prèske tout rankont yo?
JSM : Bon sa rive paske nèg yo pa janm antre nan match bonè, ou gendwa wè nan 15 minit nou pran gòl epi se lè sa a bou tout vin motive.
HT: Se ak ki santiman n’ap antre nan peyi nou la a?
JSM: Bon, kòm fòk nou antre n’ap antre men nou pa’t janm panse nou t’ap antre konsa.
HT: Haititempo.com remèsye w!
JSM : Ok, mèsi.
(Reyalize pa Benson Petit-Clair pou haititempo.com)
Home
Store
Contact