Shelby Printemps : Yon ayisyen k’ap evolye an Almay

Haititempo.com te gen chans rankontre ak Shelby Printemps ki se yon jèn foutbolè ayisyen k’ap evolye nan Optik Rathenow nan peyi Almay. Shelby reponn divès kesyon konsènan karyè li nan entèvyou sa a ke li te akòde nou. Nou envite’w swiv entèvyou sila a nan tout entegralite li.

HT: Pou kòmanse entèvyou a, di nou ki moun ou ye?

Shelby: Mwen se Shelby Printemps, mwen se yon foutbolè, mwen fèt Port-au-Prince, epi mwen kite Ayiti a 13 zan pou direksyon Etazini. Kounye an mwen gen 24 an, map jwe nan Optik Rathenow nan peyi Almay.

HT: Ki pozisyon ou jwe egzakteman?

Shelby: Mwen se yon Atakan, mwen jwe kòm elye tou.

HT: Ki jan ou te fè antre nan foutbòl?

Shelby: Mwen te kòmanse  jwe foutbòl òganize nan “Jacko Foutbòl Pasyon“, mwen te pase kèk mwa lòtbò a anvan m te demenaje pou  USA. Pandan mwen  rive  Miami mwen te jwe pou Miami Lakes nan nivo U-15. Epi nan dènye ane segondè mwen, mwen te gen chans  jwe pou yon pro klèb semi-pwofesyonèl isit la ki rele Seleccion Miami. Touswit apre, mwen t’al evolye nan peyi Irigwe  nan yon ekip dezyèm divizyon  ki rele Rocha FC.

HT: Kòman eksperyans sa a te ye nan peyi Irigwe?

Shelby: Se te yon bèl eksperyans. Mwen te trè jèn, donk mwen te aprann anpil bagay de jwèt la nan men anpil gwo antrenè.

HT: Konbyen tan ou te pase an Irigwe, e ki kote ou te ale aprè?

Shelby: Mwen te jwe lòtbò a pou yon ane. Apre, mwen te ale nan peyi Malt kote mwen te jwe kèk match, men mwen te vin gen kèk pwoblèm nan dosye pèmi travay mwen. Mwen te vin oblije tounen lakay mwen donk m te pase yon ti tan san san klèb.

HT: Kounye a w’ap jwe an Almay? Ki jan ou fè ateri lòtbò a?

Shelby: Bon mwen te rankontre yon Alman isit la ki gen yon akademi, Alman sa a travay ak kèk ekip an Ewòp, donk se apati de kontak  sa a mwen te jwenn chans pou’m te vin fè yon esè. Se konsa mwen ateri an Almay.

HT: Èske ou ka pale nou de klèb ou a, epi  konbyen tan li te pran ou pou w te adapte‘w?

Shelby: Mwen jwe pou FSV OPTIK rathenow nan oberliga a . Mwen te rejwenn ekip la pandan yo te nan dezyèm faz nan sezon an sezon an donk sa te pi difisil pou mwen, men kounye a,  mwen yon ti jan pi alèz sezon sa a.

HT: Di nou kijan de jwè foutbol ou ye, anpil teknik, rapid?

Shelby: Haha, bon mwen trè rapid, mwen sèvi ak vitès mwen sou atak yo, epi mwen deplase  trè byen san boul la.

HT: Eske’w gen yon jwè patikilyèman ke’w swiv kom modèl? Si wi, ki jwè sa?

HT: Ki sa ou panse ke ou ka pote nan seleksyon nasyonal la?