Haititempo.com te gen chans pale ak vedèt entènasyonal ayisyen Wilde-Donald Guerrier k’ap prepare’l pou lanse ofisyèlman pwòp mak li “D77G” sou mache a. Nan ti chita pale sa a, Donald eksplike nou orijin ide a, objektif li ak anpil lòt koze ankò. Nou envite’w swiv entèvyou sa a ke’n reyalize ak Donald sou koleksyon pèsonèl li a.
HT : Donald, Ki kote ide pou te met mak D77G la sòti?
WDG : Se Manman mwen Ki te ban’m ide a. Yon jou mwen te ap pale avèk li nan telefòn, li di mwen sa Ki DG77 la ? Paske lè li Okay ouswa Pòtoprens, tout moun Ki konnen li toujou ap di’l “bonjou manman DG77 peyi a”. Li te di mwen li pa konprann sa ki rele konsa epi mwen di li sa vle di Donald Guerrier 77. Li di mwen tout moun se DG77 yo konnen an Ayiti, sa plis popilè ke Donald Guerrier a, e poukisa mwen pa eseye kreye yon mak avèk li ? Konsa, sè mwen an ki rele Marie Mirlande Marett vinn ede mwen panse sou sa epi Fiyanse mwen ki se Aaliyah Fabiano ede mwen kreye e chwazi logo a. Se konsa mwen te lanse epi mwen te mete m dako ak yon faktori nan peyi Almay ki ede’m regle sa.
HT : Konbyen tan li te pran ou pou te fè ide sa a manman’w te ba ou a la tounen yon reyalite?
WDG : Sa se yon ide ki te pran 2 mwa pou li rive reyalite.
HT : Kòman lòt Grenadye yo ak rès jwè Wisla Cracovie yo resevwa ide a?
WDG: Pou Wisła, nèg yo pouse mwen anppil, yo ankouraje mwen ni grenadye yo tou tankou Kervens Fils Belfort, Dominique Zéphirin ak Tiga. Yo gentan vle achte li sou entènèt.
HT: Men èske gen yon sitweb kote moun ap ka achte mak ou a?
WDG : Pou kounya nou met kèk bagay deyò pou nou wè kòman sa ap ye, se poko vrèman Koleksyon an men nou ap travay sou sitweb la.
HT: Ki objektif ou ak mak sa?
WDG: Objektif mwen ak mak sa se fè li pran tout mond lan menm jan ak ‘’Nike ou Adidas’’. M panse sa posib depi twal la bon epi depi map bay rezilta sou tèren mak la ap mache.
HT : Ou gentan gen yon kote li ap vann an Ayiti?
WDG : Pa bliye se poko vrèman Koleksyon an kidonk sa ki gen la pa anpil se eseye nou ap eseye. Mwen voye Kago ale deja pou Ayiti li ap rive 22 desanm. Pou moun Pòtoprens yo li ap Nan G&G Sportif e pou moun Okay yo li ap nan Baz Okay ak Shop Joel la Nan kafou Orèl.
HT : E pou moun Etazini ak Kanada, elatriye kòman y’ap ka achtel?
WDG : Moun Ki Etazini yo oubyen nan lòt peyi yo ka kontakte Shop la pa email epi yo ap di ki sa yo vle a epi Shop la ap ba yo yon nimewo kontan bank pou yo met kòb la epi nan 6jou yo ap genyen li. Nou pran 6 jou se pou nou ka gentan verifye ke moun nan voye lajan avan li resevwa bagay yo. Shop la se DGuerrier-design77.
HT : Ki lè wap fè lansman ofisyel la an Ayiti? Wap prezan?
WDG : Mwen ap Ayiti depi 18 Desanm, donk mwen ap la pou 22 desanm.
HT : Eske ou ka ba nou yon ide sou pri yo?
WDG : Kepi a ak siyati mwen ki Nan do li a epi numero mwen ki se 77 kòm Siy mak la, Li koute 25 dola US. Mayo fi yo Ki sou model yo koute 50 dola US, pou mayo gason yo, yo koute 45 dola US, pou chemizèt yo se 20 dola US.
HT : Eskew satisfè de rezilta ou kòmanse jwenn de mak D77G la?
WDG : Non, mwen pa ka di mwen satisfè paske moun poko kòmanse fè kòmand.
HT: Se mak ou a k’ap abiye America?
WDG: DG77 se sponsor ekipman America des Cayes pou Jwe chanpiona nasyonal la ak Konkakaf k’ap vini a. tout materyel America des cayes : bèg pou jwè yo lè yo pral jwe e rad yo ap gen souyo lè yo ap jwe a, lè yo nan Otèl. Tout bagay gentan pare.
HT: Yon mesaj pou piblik la, pou nou fini?
WDG: Mesaj a piblik la sipòte pwodi lakay epi pa bliye kore seleksyon an.
Swiv paj sa a pou lòt detay: https://www.facebook.com/pages/DGuerrier-design77/381220482039497
Reyalize pa Benson Petit-Clair pou Haititempo.com
Home
Store
Contact
Congratulations mn pot.